АСТАНА, 23 сәуір – Sputnik. "Қазгидромет" РМК республиканың үш өңірінде дабылды ескерту жариялады.
"24 сәуірде тәулік бойы Қостанай облысында жылдамдығы 15-20 м/с жел соғып, кей жерлерде найзағай ойнайды, тұман түседі. 24-25 сәуірде Жамбыл облысында оңтүстік-батыстан 15-20 м/с жел соғады, екпіні 23-28 м/с дейін жетуі мүмкін. 25 сәуірде түнде таулы және тау бөктеріндегі аудандарда қатты жаңбыр жауады. Тараз қаласында 24-25 сәуірде оңтүстік-батыстан жел соғады, кей уақытта екпіні 23-28 м/с жетеді деп болжануда", — делінген хабарламада.
24 сәуірде Қызылорда облысының кей жерлерінде қатты жауын-шашын; 24-25 сәуірде Қызылорда облысының кейбір аудандарында солтүстік, солтүстік-батыстан жылдамдығы 15-20 м/с, екпіні 23 м/с жел соғып, найзағай ойнайды, тұман түсіп, бұршақ жаууы мүмкін.
