Өңірлер

Атырау облысында 300-ден астам оқушы хиджабын шешкен

© SputnikОқушылар, архивтегі фото
Оқушылар, архивтегі фото - Sputnik Қазақстан
Жазылу
Қазір батыс аймақта мектеп формасын кимейтін 35 оқушының ата-анасымен түсіндіру жұмыстары жүріп жатыр

АСТАНА, 25 сәуір – Sputnik. Атырау облысының әкімі Нұрлан Ноғаев өңірде терроризмге қарсы күрес пен хиджаб мәселесі бойынша атқарылып жатқан шаралар туралы айтты, деп хабарлайды Sputnik Қазақстан тілшісі. 

Хиджаб - Sputnik Қазақстан
Өңірлер
Сапарбаев Ақтөбе облысында хиджаб мәселесі қалай шешіліп жатқанын айтты

"Терроризмге қарсы комиссия аясында жоспарлы жұмыс жүргізіліп жатыр. Бұл бағытта ең пәрменді шара – ол түсіндіру жұмыстары. Құрамына ақсақалдар, депутаттар, мемлекеттік органдардың өкілдері кіретін ақпараттық-насихат тобы бар. Олар тұрақты түрде елді мекендерді аралап, халықпен кездесіп, түсіндіру жұмыстарын жүргізеді. Жыл басында оқушылармен, кейін колледждер, университеттер студенттерімен кездеседі. Бұл бағыттағы жұмыс өз жемісін беріп отыр", — деді әкім ОКҚ-де өткен баспасөз мәслихатында. 

Ноғаев осы орайда оқушылардың мектепке хиджабпен келу мәселесі қалай шешіліп жатқанына тоқталды.  

"Біздің өңірде мектеп формасын кимеу проблемасы да өте өзекті болған еді. 350-ден астам оқушы бұл талапты сақтамаған. Қазіргі таңда ата-аналармен түсіндіру жұмыстары жүргізілгеннен кейін 35 оқушы ғана қалды. Әлі де түйінді түйткілдер бар, бірақ біз жоспарлы түрде айналысып жатырмыз. Ең бастысы, бұл мәселеде халықтың қолдауын сезіп отырмыз", — деді аймақ басшысы.


Жаңалықтар
0