АСТАНА, 25 сәуір — Sputnik. Оралда мектеп оқушысы ашық тұрған канализация құдығына түсіп кетті. Оқиға куәгерлерінің сөзіне сүйенсек, жеті жасар баланы көшеде кетіп бара жатқан адамдар шығарып алған екен.
"Мой город" басылымының мәліметінше, бала жеңіл-желпі жарақат алыпты.
"Дәрігерлер маңдайының жұмсақ ұлпаларына зақым келді деп диагноз қойды. Амбулаториялық ем алуға жіберілген", — деп ақпарат берді денсаулық сақтау басқармасы.
Ашық құдық Жаңа Орда шағын ауданындағы №9 үйдің қасында орналасқан.
