06:36 25 Тамыз 2019
Тікелей эфир
  • USD386.34
  • EUR427.25
  • RUB5.88
Апаттық белгі

Шымкентте оқушыны көлік қағып, бірнеше метрге ұшырып жіберді

CC0 / Rico_Loeb
Өңірлер
Қысқа сілтеме алу
4600

Қыз бала облыстық балалар ауруханасына түскен

АСТАНА, 22 мамыр — Sputnik. Шымкентте тоғыз жастағы мектеп оқушысын жеңіл көлік қағып, бала бірнеше метрге ұшып кеткен.

Зардап шегушінің анасы айтқандай, қыз бала әртүрлі жарақатпен облыстық балалар ауруханасына жатқызылыпты.

"Жүргізуші қыз оқушыны өткізудің орнына, қағып кеткен, бала жаяу жүргіншілер өткелінен жеті метрдей жерге ұшып кетті. Жүргізуші бірден тоқтаған жоқ, сөмкесі дөңгелек астында қалды", — деді оқушының анасы TVK басылымына берген сұхбатында.

Облыстық балалар ауруханасы берген мәліметке сүйенсек, баланың денсаулығына ешқандай қауіп төніп тұрған жоқ, жол апатынан кейін тез сауығып келеді.

"Қыз бала 15 мамырда бас жарақатымен түсті, миы шайқалған. Тиісті процедуралардың өткізіп, томографияға түсірдік, жеті күннен соң ауруханадан шығады. Жағдайы қанағаттандырарлық. Баланы көз дәрігері де қарап шықты, алаңдайтын ештеңе жоқ деп айта аламыз", — деп хабарлады нейрохирург Мұхтар Әбдіқадыров.

Жүргізушіге қатысты әкімшілік хаттама толтырылған.

Кілт сөздер:
оқушы, зардап шегуші, жол апаты, Шымкент
Загрузка...

Басты тақырып