Өңірлер

Алматыда "көлік қаққан" баланы әкесі таспен ұрған болып шықты

© Sputnik / Болат ШайхиновЖедел жәрдем, архивтегі фото
Жедел жәрдем, архивтегі фото - Sputnik Қазақстан
Жазылу
Қатыгез әке де, тергеушілерді шатастырған куәгер келіншек те сот алдында жауап бермек

АСТАНА, 2 тамыз – Sputnik. Алматыда Шығыс айналма жолының бойында шала-жансар күйде кілемге ораулы жатқан жерінен табылған баланы көлік қақпаған! Туған әкесі соңынан еріп шыққан ұлын өзі таспен басынан ұрыпты, деп хабарлады КТК. 

Алматыда автобус жеңіл көлікті мыжып тастады - Sputnik Қазақстан
Оқиға
Алматыда автобус жеңіл көлікті "мыжып" тастады (фото)

Мұрат Асқароглы сол сәтте мас болғандықтан, аяғына оратылған баласы мазасын алғанын айтуда. Адам жоқ қуыста өз ұлын ұрып жығып, сасқанынан автобусқа отырып кетіп қалған. Ал 4 жасар Мұхаммед қара түсті көлік қақты деген келіншек те тергеушілерге өтірік ақпарат бергенін мойындады.  

Жоқ жүргізушіні осы уақытқа дейін іздеп таппаған полиция бар отбасынан сезіктене бастапты. Ақыры бейне жазбаларды қайта қарап, онда әкесі баласын жетектеп,  бара жатқан кадрларды байқаған. Сөйтіп сәби табылған жердегі шөпті шауып, қылмыс құралы – қанға боялған тасты да тауыпты.  Дәрігерлер де бүлдіршіннің жарақаттары да жол апатынан болмаған деген тоқтамға келіпті. Қазір әкесі жыларман боп бүкіл елден кешірім сұрап отыр. Бірақ қатыгез әке де, тергеушілерді шатастырған куәгер келіншек те сот алдында жауап бермек.


Жаңалықтар
0