16:20 26 Мамыр 2020
Тікелей эфир
  • USD414.13
  • EUR451.40
  • RUB5.80
Өңірлер
Қысқа сілтеме алу
16920

Сарыағаш ауданында тұтастай бір ауыл диқаншылықпен айналысып, жұртқа үлгі болып жүр

АСТАНА, 2 тамыз — Sputnik, Жансая Тәуекелқызы. Түркістан облысындағы Сарыағаш ауданы Ақниет ауылында екі мыңнан астам халық бар. Екі жүзге жуық отбасы отынын тұтатып отырған елді мекенде барлық жанұя диқаншылықты кәсіп еткен. 

Ерте көктем шыға салысымен егін алқабын пана етіп, күнін көріп отырған халықтың көбі картоп, сәбіз, қырыққабат және өзге де көкөніс түрлерін егеді. Солардың бірі — 50 жастағы Лесбек Байболат. 

Лесбек Байболат диқаншылықты 20 жылдан бері кәсіп еткен
© Sputnik / Жансая Тәуекелқызы
Лесбек Байболат диқаншылықты 20 жылдан бері кәсіп еткен

"Диқаншылықпен айналысып жатқаныма 20 жыл болды. Биыл қырыққабат пен сәбіз ектік. Жеті гектар жерге еккен қырыққабатты жинап, сатып үлгердік. Сәбізді де нарыққа шығардық. Одан соң жерімізге болгар бұрышын екпекпіз. Диқаншылық деген нар тәуекел деп істейтін жұмыс қой. Алған өніміңнің бағасы құбылмалы",- дейді Ақниет ауылының тұрғыны Лесбек Байболат. 

Ақниет ауылының тұрғындары егістік басында жүр
© Sputnik / Жансая Тәуекелқызы
Ақниет ауылының тұрғындары егістік басында жүр

Егіс басындағы асар

Нәпақасын жер жыртып, егіннен тауып отырған халық арасында бәсекелестік деген мүлдем жоқ екен. Тұрғындардың айтуынша, қайта керісінше, қандай да бір диқаншының егіс алқабында өнім пісіп, оны жинап үлгермей жатса, өзгелері көмекке келеді. Солай бір-біріне асарлатып қол ұшын беріп отырған халық өнім сатуда еш қиналмаймыз дейді. Себебі ақниеттік көкөніс пен жемістерді егістіктің басынан сатып алып кететіндер асып жетеді. Оның үстіне мұнда өнім өзге жаққа қарағанда 7-10 күн бұрын пісіп жетіледі. 

Ақниет ауылының тұрғындары егіс алқабында жүр
© Sputnik / Жансая Тәуекелқызы
Ақниет ауылының тұрғындары егіс алқабында жүр

Шенеуніктері мақтан тұтатын ауыл

Ауыл әкімшілігіндегілер ақниеттік тұрғындарды жүрген жерінде жарнамалап, тіпті өзгелерге үлгі алыңдар деп кеңесін де айтып жүреді. Өйткені екі қолға бір күрек тауып, отбасын асырап отырған халықта шағым айтуға уақыт жоқ. Жоқтан бар жасап, күнін көріп отыр. 

"Біздің ауылдық округке қарасты Ақниет ауылы халқының тұқтастай егіншілікпен айналысуы — біз үшін үлкен қуаныш. Бұл ауылда жайылымдық жерлер жоқ болғандықтан, мал бағу қиын. Біз жүрген жерімізде осы ауылды үнемі насихаттап, ақниеттік тұрғындарды үлгі етіп айтып отырамыз",- дейді Қапланбек ауылдық округі әкімінің орынбасары Ермахан Жиенбаев.

Ауыл халқы егер мал жайылымдық жер болса, мал шаруашылығын да кәсіп ететін едік дейді. 

"Билікке тағар кінәміз жоқ. Әр өңірдің климаты мен жердің құнарлығына қарай кәсіпті игерген дұрыс қой. Осы күнімізге де шүкіршілік. Маңдай терімізбен еңбек етіп, ешкімге алақан жайып отырған жоқпыз, бастысы. Жайылымдық жер болса, мал да бағу қолымыздан келеді" – дейді ақниеттіктер. 

Диқаншылықты кәсіп еткен ауыл 145 гектар егістік жерді игеріп отыр
© Sputnik / Жансая Тәуекелқызы
Диқаншылықты кәсіп еткен ауыл 145 гектар егістік жерді игеріп отыр

Тұтастай диқаншылықты кәсіп еткен ауыл халқы бүгінгі таңда 145 гектар егістік жерді игеріп отыр.

Тақырып бойынша

Түркістан облысында ауыл әкімі тапа тал түсте "жоғалып" кетті
Түркістан облысында әкімнің не үшін ұсталғаны белгілі болды
Түркістан облысында дәмхана өртеніп кетті - видео
"7-20-25": Түркістан облысында қанша үй салынып жатыр?
Назарбаев Түркістан облысының әкімі Түймебаевқа қандай хат жазды?
Түркістан облысында көлікте үш жасар бала өртеніп кетті
Кілт сөздер:
нәпақа, егістік, ауыл халқы, диқаншылық, Сарыағаш, Түркістан облысы
Загрузка...

Басты тақырып