Өңірлер

Нұрсұлтан Назарбаевтың аттасы отау құрды – үйлену тойы қалай өтті

Жазылу
Шығыс Қазақстан облысы тұрғыны Нұрсұлтан Назарбаев пен жары аниматорларды шақырып, балалар үйінің тәрбиеленушілеріне қайталанбас көңілкүй сыйлады

СЕМЕЙ, 14 тамыз — Sputnik. Қазақстан президенті Нұрсұлтан Назарбаевтың аттасы Семейде отау құрып, ата-анасының қамқорлығынсыз қалған балаларға мереке ұйымдастырды.

Жас қазақстандық Нұрсұлтан Назарбаев пен жары Алтынай Иса дүркіретіп той өткізуден бас тартты, деп жазады "Экспресс-К". Мейрамхана мен той кортежіне шығындалудың орнына, ресми неке қию салтанатынан кейін жас жұбайлар лагерьге бет алды.

Жарасымды жұп екі балалар үйінің жүздеген тәрбиеленушісіне дастархан жайып, аниматорларды шақырып, мереке ұйымдастырыпты.

© Photo : Жас жұбайлар ұсынған/Экспресс-КАлтынай мен Нұрсұлтан балалардың ортасында
Алтынай мен Нұрсұлтан балалардың ортасында - Sputnik Қазақстан
Алтынай мен Нұрсұлтан балалардың ортасында

Алтынайдың айтуынша, жұбайы екеуі сән-салтанатты той жасауды ешқашан армандамаған. Жеті жыл қыз-жігіт болып жүріп, отау құруға бел байлапты.

© Flickr / Жас жұбайлар ұсынған/Экспресс-КПрезиденттің аттасы мен жары балаларға көңілді мереке ұйымдастырды
Президенттің аттасы мен жары балаларға көңілді мереке ұйымдастырды - Sputnik Қазақстан
Президенттің аттасы мен жары балаларға көңілді мереке ұйымдастырды

Мемлекет басшысының аттасы мамандығы бойынша педагог, дейді жары Алтынай. Жас жұбайлардың отбасы тойды ерекше өткізуге қарсы болмаған.


Жаңалықтар
0