Өңірлер

Өскеменде үш жігітті мінгізген такси жүргізуші сан соғып қалды

© Sputnik / Наталья Селиверстова / Медиабанкке өтуТакси
Такси - Sputnik Қазақстан
Жазылу
Өскеменде үш жігіт тапа тал түсте такси жүргізушіні қылқындырып, көлігін мініп кеткен

АСТАНА, 12 қыркүйек — Sputnik. Өскеменде 10 қыркүйек күні белгісіз біреулер  тапа тал түсте такси жүргізушіні тұншықтырып, машинасын мініп кеткен. 

әйел - Sputnik Қазақстан
Өңірлер
Ақтауда 20 жастағы бойжеткенді такси жүргізушісі зорлап тастады

Зардап шегуші 51 жастағы ер адам көлікке 3 жігіттің отырып, Самсоновка ауылына жақындаған кезде жолаушылардың бірі тоқтауын өтініп, қылғындыра жөнелгенін айтады.

Есін жия сала "Daewoo" көлігінің иесі "102" нөміріне хабарласады. Патрульді қызмет бірден әрекет етіп, қылмыскерлерді құрықтаудың амалын жоспарлайды, деп хабарлайды altaynews.kz.

Зардап шегушінің берген ақпаратынан кейін барлық патрульдік топтарға ұрланған көлік пен бұзақылар туралы ақпарат таратылып, тәртіп сақшылары қылмыскерлердің ізін суытпай құрықтады.

Белгілі болғандай, адам өміріне қастандық ойлаған үш жігіттің 20, 22 және 23 жаста екендіктері анықталды. Сонымен қатар, бұзақылар көлік ұрлығына қатысты жоспарды алдын ала құрған, өйткені олардың Мариногорка ауылына жететін көліктері болмаған.

"Бұзақыларды Өскемен-Самар тас жолының 123 шақырымында ұстадық. Патрульдік қызметтің жедел жұмысының арқасында құқықбұзушылар тез табылды", – дейді ШҚО ІІД ЖППБ қызметінің инспекторы, аға лейтенант Тыныс Ахатбеков.


Жаңалықтар
0