Өңірлер

"Тұман және көктайғақ": 4 облыста дабылды ескерту жарияланды

© AFP 2024 / Kazuhiro NOGIҚатты жел
Қатты жел - Sputnik Қазақстан
Жазылу
18 қазан күні Қазақстанның бірнеше облысында қатты жел соғып, көктайғақ болады

АСТАНА, 17 қазан — Sputnik. Қатты жел, көктайғақ және бұрқасын салдарынан Қазақстанның бірнеше облысында дабылды ескерту жарияланды, деп хабарлайды Қазгидрометке сілтеме жасап.

Әрауаққа, елеске ұқсайтын біртүрлі бейне - Sputnik Қазақстан
Видео
АҚШ-та дауыл кезінде жұмбақ елес видеоға түсіп қалды
18 қазан күні Солтүстік Қазақстан облысында солтүстік-батыстан келетін желдің жылдамдығы секундына 15-20 метрге, кей жерлерде секундына 23-28 метрге дейін жетеді. Сондай-ақ, кейбір аймақта тұман түсіп, көктайғақ болады.

Ертең Петропавлда солтүстік-батыстан келетін жел секундына 25 метр жылдамдықпен соғады. Шығыс Қазақстан облысында 18 қазан күні кей жерлерде оңтүстік-батыстан келетін желдің жылдамдығы түнде секундына 15-20 метрге, күндіз секундына 25 метрге дейін жетеді.

Өскемен мен Семей қалаларында күндіз оңтүстік-батыстан келетін жел секундына 15-20 метрге дейінгі жылдамдықпен соғады. 18 қазан күні Қостанай облысының кей жерлерінде тұман түсіп, көктайғақ болады және солтүстік-батыстан келетін жел секундына 15-20 метр жылдамдықпен соғады.

Сондай-ақ, 18 қазан күні Қызылорда облысының кей жерлерінде батыстан және оңтүстік-батыстан соғатын желдің жылдамдығы секундына 15-20 метрге дейін жетеді және тұман түседі. Мұнымен қатар, аталған облыстың кейбір аймақтарында жел секундына 23-28 метр жылдамдықпен ұйытқуы мүмкін.

 

Жаңалықтар
0