Өңірлер

Баланы көрпемен тұншықтырған тәрбиеші ісі: ата-анасы жазаның тым жеңілдігіне наразы

© Sputnik / Владимир Астапкович / Медиабанкке өтуәйел мен бала
әйел мен бала - Sputnik Қазақстан
Жазылу
50 жастағы тәрбиеші 300 айлық есептік көрсеткіш көлемінде айыппұл төлеп, қоғамдық жұмысқа жегілуі немесе 75 күнге қамалуы мүмкін

АСТАНА, 10 қараша — Sputnik. Теміртауда 2 жасар бүлдіршінді тұншықтырған тәрбиешіге қатысты сот басталды. Ел тұрғындарын дүрліктірген оқиғаны облыстық кәмелеттік жасқа толмағандар ісі бойынша мамандандырылған сот қарап жатыр. 

Бала - Sputnik Қазақстан
Өңірлер
Теміртауда жылаған сәбиді тұншықтырған балабақша тәрбиешісі видеоға түсіп қалды
50 жастағы тәрбиеші "Кәмелетке толмағандарды тәрбиелеуде өз міндеттерін орындамау және қатыгездік таныту" бабымен айыпталып отыр. Енді ол 300 айлық есептік көрсеткіш көлемінде айыппұл төлеп, қоғамдық жұмысқа жегілуі немесе 75 күнге қамалуы мүмкін, деп хабарлайды Астана арнасы. 

Алайда, бүлдіршіннің анасы жазаның тым жеңілдігін айтып, қатыгез педагогты соттауды сұрайды. Басқа да ата-аналардан жауап алынады. Тіпті, қоқынышты көріністі 4 ай бойы телефонда сақтаған тәрбиешінің көмекшісі де куәгер ретінде шақырылған. 

"Баланың ұйқысы нашар. Қатыгездік пайда болған. Әркімнен өзін қорғағысы келеді де тұрады. Мазасыз. Бірақ, тым кішкентай болғандықтан оны дәлелдей алмай отырмыз. Баланы тұншықтыруға болады. Ал, кінәлі адамды жауапқа тарту қиын екен. Біз Нананың психикалық соққы алғанын дәлелдеу үшін тек бір жыл өткен соң ғана психиатриялық емханаға оны 1 ай бойы жатқызып, емдетуіміз керек екен. Бұл дұрыс емес. Тәрбиешіні соттау керек деп есептеймін", — дейді баланың анасы Анна Баркалая. 

Тағы оқыңыз:

Биыл тамызда 2 жасар бүлдіршінді балабақшада көрпемен тұншықтырып жатқан тәрбиешінің видеосы әлеуметтік желілерде жылдам тарап, үлкен шу туғызған еді. Кейін оқиғаны оның көмекшісі түсіріп алып, балабақша директорын бопсалағаны анықталған. 

Жаңалықтар
0