06:32 18 Қазан 2019
Тікелей эфир
  • USD389.94
  • EUR433.50
  • RUB6.10
Фемида

Теміртауда екі жасар сәбиді тұншықтырған балабақша тәрбиешісі сотталды

CC0
Өңірлер
Қысқа сілтеме алу
806 0 0

Зардап шеккен баланың анасы сот үкімі тым жеңіл деп санайды – сәбиді тұншықтырған әйел қаласа кейін тағы балалармен жұмыс істей алады

АСТАНА, 15 қараша — Sputnik. Қарағандыда балаға зорлық-зомбылық көрсетіп, ұйықтатпақ болған балабақша тәрбиешісі 50 жастағы Үміт Пірмехонованың соты аяқталды. Бейсенбі күні үкім шықты, деп хабарлайды "Первый канал. Евразия".

Биыл тамыз айында балабақша тәрбиешісінің айғайлап, дауысы қарлығып қалған сәбидің бетін көрпемен жауып, бар күшімен басып отырғаны түсірілген жантүршігерлік видео жарияланған еді. Белгілі болғандай, оқиға Теміртаудағы балабақшалардың бірінде болыпты. Әйелдің өзі түсіндіруінше, екі жасар қызды осылай тыныштандырып, ұйықтатпақ болған екен. Бұл видео сотта көрсетілді.

Қыздың анасы Анна Баркалаяның сөзіне сүйенсек, бала әлі күнге дейін түнде дұрыс ұйықтай алмай, айғайлайтын көрінеді. Қазір екінші сәбиіне аяғы ауыр әйел отбасының моральдық шығынын 2 миллион теңгеге бағалады.

Балабақша тәрбиешісі сотта кінәсін мойындап, "қалай болғанын өзім де білмей қалдым" деп кешірім сұрады. Ал балабақша басшысы бірде-бір рет сот отырысына қатыспаған.

Сот әйелді айыпты деп танып, 120 сағат қоғамдық жұмыс істеу жазасына кесті, сонымен бірге кәмелеттік жасқа толмаған балалармен жұмыс істеуіне үш жылға тыйым салынған. Ал жәбірленуші тарап сұрап отырған моральдық шығын көлемі он есе қысқартылды. Бұған наразы ана қызының басынан кешкен сұмдық жайт бүкіл өміріне жағымсыз әсер ете ме деп қорқады.

Психологтар баланың психикасына зақым келгенін растады. Балабақшаға баратын балалардың ата-аналары да олардың мінез-құлқынан өзгеріс байқапты.

Тақырып бойынша

Министр жекеменшік балабақша тәрбиешілерінің жалақысы қалай өсетінін түсіндірді
Павлодарда балабақша тәрбиешісі тапа-тал түсте екі шәкіртінен көз жазып қалды
Балабақша тәрбиешісі туберкулездің ашық түрімен ауыратыны анықталды
Теміртауда жылаған сәбиді тұншықтырған балабақша тәрбиешісі видеоға түсіп қалды
Балабақша тәрбиешісі 6 жасар қыздың үстіне ыстық сорпа төгіп алды
Атырауда теріс діни ағымда жүргендер балабақша ашып жатыр
Өскеменде полиция балабақша маңындағы оқиғаны тергеп жатыр
Кілт сөздер:
тұншықтыру, үкім, тәрбиеші, бала, балабақша, сот, Теміртау, Қарағанды облысы
Загрузка...

Басты тақырып