00:31 19 Қазан 2019
Тікелей эфир
  • USD389.98
  • EUR434.01
  • RUB6.10
автобус

Арал түбіндегі өзбектер мінген автобус апаты: оқиғаға қатысты тың дерек шықты

© Sputnik /
Өңірлер
Қысқа сілтеме алу
758 0 0

Ауруханада ауыр жарақат алған автобус жүргізушісі жатыр, өміріне ешқандай қауіп төніп тұрған жоқ

АСТАНА, 26 қараша — Sputnik. Автобус апатынан зардап шеккендердің көпшілігіне медициналық жәрдем керек болған жоқ, біраз жолаушы сапарын әрі қарай өздері жалғастырған.

Естеріңізге сала кетсек, 22 қарашада Шымкент-Самара тас жолында Арал қаласына жақын маңда Нижний Новгород – Сарыағаш бағытында келе жатқан автобус аударылып қалды: салонда 36 адам болған.

Қызылорда облысы жергілікті полиция қызметі хабарлағандай, зардап шеккендердің ішінде екі жүргізуші – қазақстандықтар, қалғандары – отанына қайтып бара жатқан Өзбекстан азаматтары.

"Арал ауданы әкімдігінің қызметкерлері автобустың 17 жолаушысы Шымкент-Самара тас жолында орналасқан қонақүйге орналастырды, тағы біраз жолаушы межелеген жеріне өздері жетпек болып, сапарын жалғастырған", — деп атап өтті Қызылорда облысы әкімінің баспасөз қызметі оқиғадан кейін.

Жол апатынан зардап шеккен үш адам Арал қаласындағы орталық аудандық ауруханаға жеткізілді.

"Дәрігерлер аударылған автобустың жолаушыларын түгел қарап шықты, — дейді Арал аудандық ауруханасының бас дәрігері Марат Ршымбетов. – Олардың көпшілігіне күрделі медициналық жәрдем, яғни амбулаториялық ем қабылдау қажет болмады. Ауруханаға үш адам түсті, олардың бірі алған жарақатынан көп ұзамай көз жұмды. Тағы екеуін дәрігерлер бақылауына алды".

Әзірге, бас дәрігердің мәліметінше, ауруханада автобус жүргізушісі жатыр.

"Сол жақ жетінші-сегізінші қабырғалары сынған, пневмотораксқа ұшырап, миы шайқалған, — дейді Ршымбетов. – Қазір өміріне қауіп төніп тұрған жоқ".

Ал Қызылорда облысы полиция департаменті мәлімет бергендей, жол апаты дерегі бойынша сотқа дейінгі тергеу амалдары жүріп жатыр. Тиісті сараптамалар тағайындалып, оқиғаның мән-жайы анықталуда, деп хабарлайды полиция.

Тақырып бойынша

Балалар мінген автобус қабырғаға соғылып қалды
Ресейде автобус пен пойыз соғылды: қазақстандық 7 жылға сотталуы мүмкін
Ресейде 46 қазақстандық мінген автобус апатқа ұшырады
Автобус ішіндегі төбелес 13 адамның өліміне алып келді - видео
Астана маңында оқушылар отырған автобус апатқа ұшырады
Мысырда қазақстандықтар мінген автобус аударылды - фото
Алматыда автобус апатқа ұшырады: 12 жолаушы ауруханада жатыр
Кілт сөздер:
аурухана, полиция, жол апаты, зардап шеккендер, автобус, Қызылорда облысы
Загрузка...

Басты тақырып