Өңірлер

Маңғыстау әкімі халыққа неліктен 1%-пен кредит беріліп жатқанын түсіндірді

© Sputnik / Наталья Селиверстова / Медиабанкке өтуНесие
Несие - Sputnik Қазақстан
Жазылу
Ералы Тоғжанов көп уақыт бұрын қолға алынған жобаның сәтті жүзеге асырылып жатқанын айтты

АСТАНА, 10 желтоқсан — Sputnik. Дәл қазір Маңғыстау облысында тұрғындарға 1%-пен кредит беріліп жатыр. Көптен бері қолға алынған жоба жүзеге асты. Бұл туралы орталық коммуникациялар қызметінде "Мемлекет басшысының Жолдауын іске асыру шеңберіндегі Маңғыстау облысының әлеуметтік-экономикалық даму қорытындылары" тақырыбында өткен баспасөз конференциясында өңір басшысы Ералы Тоғжанов айтты.

Ақша - Sputnik Қазақстан
Қоғам
Депутат мұғалімдерге пайызсыз несие беруді ұсынды
"Бұл әңгіменің шет жағасын осы уақытқа дейін айтып өткен болатынмын. Іс жүзінде бұл жоба (1%-пен кредит беру — Sputnik) жүзеге асты. Әр түрлі компаниядан инфрақұрылымға бөлінетін қаржы осы жобаға салынды. 900 миллионды "Даму" қорымен бірлесіп өзіміз таптық. Аталған қор бізге 1,8 миллиард теңге ақша берді", — дейді Маңғыстау облысының әкімі.

Сонымен қатар, әкім осы жобаға қатысты әртүрлі алып-қашпа әңгіменің болғанын жасырмады. Осы орайда, алға қойылған негізгі үш мақсат болғанын айтып өтті. Біріншіден — ақшаны айналымға жіберу, екіншіден — жаңа өндіріс орындарын құру, үшіншіден — осы өндіріс орындары арқылы халықты жұмыспен қамту.

"Өндіріс орындары пайда болса, біз салған ақшаны үш жылдан кейін қайтарып аламыз. Яғни бұл салық арқылы келетін ақшалар. Сол себепті ақшаны айналымға жіберіп отыру тиімді. Біртіндеп орта шағын бизнеске 3 миллиард, келесі жылы 6 миллиард, арғы жылы 9 миллиард теңге жұмсаймыз", — деді әкім.

Тағы оқыңыз:

Бұдан өзге әкім Маңғыстау облысы шағын және орта бизнесті дамыту бойынша 24% көрсеткішке ие болып отырғанын айтты. Бұл аталған аймақтағы басты бағыттардың бірі болғандықтан, міндетті түрде алдағы жылдары жүзеге асырылмақ.

Жаңалықтар
0