Өңірлер

Солтүстік Қазақстанда көлік бұзылып, айдалада қалып қойған жолаушылар құтқарылды

© Sputnik / Константин Чалабов / Медиабанкке өтуЕр адам
Ер адам - Sputnik Қазақстан
Жазылу
Бұзылып қалған көліктің үш жолаушысын полицейлер даладан іздеп тапты

ПЕТРОПАВЛ, 25 желтоқсан — Sputnik. Кеше Солтүстік Қазақстан облысы полицейлері елді мекендерден алыс жерде бұзылып қалған Chevrolet Niva көлігінің үш жолаушысын құтқарды, деп хабарлайды облыстық полиция департаменті баспасөз қызметі.

Балқаш көлінен балықшының денесі табылды - Sputnik Қазақстан
Оқиға
Балқаш көліне батып кеткен көліктен балықшының денесі табылды

Ведомство баспасөз қызметінің мәліметіне сүйенсек, төтенше жағдайлар жөніндегі департамент кезекшісі полицияға хабарласып, түнгі 23:30-да үш ауыл тұрғыны, біреуі 1938 жылы туған қарт кісі, Chevrolet Niva көлігімен Петропавлдан Ақжар ауданындағы Киевское ауылына аттанып, содан бері хабар-ошарсыз кеткенін жеткізген.

"Ақжар ауданы полиция бөлімінің басшысы, полиция подполковнигі Марат Нұрахметов тез арада іздеу шараларын ұйымдастырып, төрт  жедел іздеу тобын құрды. Белгілі болғандай, көлік бұзылып, ауыл арасындағы жолда тоқтап қалған", — деп мәлімет берді полиция.

Түн ортасы әрі елді мекендердің арасы өте алыс болғандықтан, оның үстіне жүргізуші мен жолаушылардың ұялы байланысы болмауы салдарынан іздеу жұмыстары айтарлықтай қиындайды. Таңға жуық жүргізуші Ақжарқын ауылына жетіп, өзінің қайда екенін хабарлапты. Оның келген ізі бойынша тоқтап қалған көлік пен жолаушыларды іздеп табады.

 

Жаңалықтар
0