13:13 23 Шілде 2019
Тікелей эфир
  • USD384.52
  • EUR431.32
  • RUB6.10
Қирау

Жаңаөзенде 40 жыл бұрын салынған үйден тұрғындар қорқып қашып жатыр

CC0 / Kira Hoffmann
Өңірлер
Қысқа сілтеме алу
1018 0 0

Көпқабатты үйдің едені опырылып түскен, қабырғалары қирағалы тұр

АСТАНА, 9 қаңтар — Sputnik. Жаңаөзен қаласында көпқабатты баспананың едені опырылып, қабырғасы қираудың аз-ақ алдында тұр. 40 жыл бұрын салынған үй апатты деп танылсын деген тұрғындардың талабы бойынша әкімдік әлі ешқандай шешім қабылдаған жоқ, деп хабарлайды КТК.

Еден опырылған кезде бомба түскендей үн шығып, тұрғындардың зәре-құтын қашырыпты. Бірінші қабаттағы пәтердің едендегі плитасы жертөлеге бір-ақ құлап, бөлініп түскен. Абырой болғанда оқиға салдарынан, ешкім зардап шеккен жоқ. Ал жағдайды көруге келген билік өкілдері ешқандай шара қолданбаған.

"Бала-шағамның бәрін жан-жаққа жібердім. Жеті отбасы болып тұрамыз. Кеше әкім үйге орналастырдым деп жалған ақпарат берді. Көмек жоқ ешқандай", — дейді Жаңаөзен қаласының тұрғыны Амангелді Бөлеков.

Ескі үйдегі алпыс пәтерде тұратын жұрт күндіз күлкіден, түнде ұйқыдан айырылған. Тіпті өз үйлеріне кіруге қорқады. Әбден ашынған адамдар әкімдікке жиналып, бар мәселені жайып салды. Ал жергілікті билік сараптама өткеннен кейін ғана қорытынды жасаймыз дейді. 

"Мен гарантия бере алмаймын. Біз Алла емеспіз, бір Алланың қолында. Енді тыңдаңыз, кеше тиісті комиссияны құрдық. Өзіңіз болдыңыз, куә болдыңыз, тиісті шараларын қабылдадық. Қазір, міне, мекемесін белгіледік істейтін", — деді Жаңаөзен қаласы әкімінің орынбасары Ғалым Байжанов.

Комиссия қорытындысы бір ай көлемінде шығады. Оған дейін өз баспанасынан безінген халықтың басым көпшілігі туған-туыстарына көшіп жатыр.

Тақырып бойынша

Әзербайжанда тұрғын үй жарылып кетті: екі отбасы үйінді астында - видео
Ресейде тұрғын үйде болған жарылыс: үйінді астынан 11 айлық бала тірі табылды
Ресейде тұрғын үйде жарылыс болды: құтқарушылар үйінді астынан 37 адамды іздеп жатыр
Шымкентте жарылыстан жеке үй қирады
Кілт сөздер:
опырылу, апатты жағдай, тұрғын үй, Жаңаөзен
Загрузка...

Басты тақырып