АСТАНА, 8 ақпан — Sputnik. Көшенің ортасында бұзылып қалған жедел жәрдем көлігін жолдың жиегіне шығаруға көмектескен өскемендік полицейлер желіде қызу талқыланды.
Жүргізушілер көмек қолын созған екі тәртіп сақшысын видеоға түсіріп, әлеуметтік желіге жүктеген, деп хабарлады Алтайньюс.
Медициналық көлік Қазақстан көшесімен келе жатып бұзылып қалған көрінеді.
Желі қолданушылары бұл оқиғаны қызу талқылап жатыр. Көпшілігі жедел жәрдем көлігінің сапасыздығын айтып, наразылық танытуда.
"Кімдерге жаңа көлік керек екенін көрдіңдер ме?" – деп жазды қолданушылардың бірі.
