02:39 24 Наурыз 2019
Тікелей эфир
  • USD378.17
  • EUR429.11
  • RUB5.88
Мәжіліс

Мәжіліс депутаттары бас прокурорға өтініш жасады

© Sputnik / Владислав Воднев
Өңірлер
Қысқа сілтеме алу
78 0 0

Мәжіліс депутаттары Жайық өзеніндегі балықтардың қырылуы салдарынан қауіптенеді

АСТАНА, 13 наурыз – Sputnik. Мәжіліс депутаттары Жайық-Каспий бассейніндегі су қоймаларында балықтардың жаппай қырылуына байланысты бас прокурор Қайрат Қожамжаровтан тергеу барысын жеке бақылауға алуды сұрады, деп хабарлайды Sputnik Қазақстан тілшісі.

"Қайрат Пернешұлы, Жайық өзені суының нақты неден уланғанын анықтау үшін тергеу барысын жеке бақылауға алуыңызды сұраймыз", - деді депутаттық сауалды оқыған Артур Платонов.

Ол парламент депутаттары үкіметке жүгінгенін, алайда қалыптасып отырған қауіпті жағдайдың себептері туралы нақты ақпарат әлі күнге дейін жоқ екенін атап өтті.

"Халықтың арам пиғылды сатушылардан сатып алған балықтан уланбайтынына еш кепіл жоқ", - деді депутат.

Айтуынша, зертханалық зерттеулер негізінде ауыл шаруашылығы министрлігіне қарасты комитет балықтардың жаппай қырылуының факторы ретінде аммиакты көрсеткен. Бірақ бұл тек болжам ғана, деді Платонов.

Мәжілісмен Атырау облыстық аумақтық инспекциясы балықтың жаппай қырылу фактісі бойынша сотқа дейінгі тергеу бастағанын атап өтті.

"Кәсіпорындар мен иесіз жатқан, апатты мұнай кен орындарында тексерістер жалғасып жатыр. Құзырлы органдар әлі күнге дейін ресми қорытынды ұсынған жоқ, тергеудің неге сонша ұзаққа созылғанын да белгісіз. Егер ресми ақпарат болса, халық арасында түрлі қауесет тарамас еді", - деді Платонов.

Осы орайда депутат жүздеген тонна балық өлген суларды жергілікті тұрғындардың пайдалануына алаңдаушылық білдірді.

Тақырып бойынша

"Кешке шешеміз" Министрдің жауабы мәжіліс депутаттарын ду күлдірді 
Депутаттар Қарағандыдағы төбелесте көз жұмған жігіттің отбасына көңіл айтты
"Бұл базар ма?" депутаттар шенеунікті киіміне бола залдан қуып шықты – видео
Астанадағы трагедия: депутаттар әр өңір бойынша арнайы карта жасауды ұсынды
Кілт сөздер:
Қайрат Қожамжаров, мәжіліс депутаттары
Загрузка...

Басты тақырып