14:53 07 Желтоқсан 2019
Тікелей эфир
  • USD384.97
  • EUR427.12
  • RUB6.04
Ерлан Тұрғымбаев

Теңіздегі төбелес: полицейлер басты күдіктіні ұстады

© Photo : пресс-служба МВД РК
Өңірлер
Қысқа сілтеме алу
1004721

29 маусым күні Теңіз елді мекеніндегі мыңға жуық жұмысшы ереуілге шығып, арты төбелеске ұласқан болатын. Жарақат салу және бұзақылық фактісі бойынша бірнеше қылмыстық іс қозғалды

НҰР-СҰЛТАН, 3 шілде – Sputnik. Ішкі істер министрі Ерлан Тұрғымбаев Теңіз кен орнында болған төбелеске қатысты кімнің жауапқа тартылғанын айтып берді, деп хабарлайды Sputnik Қазақстан тілшісі.

"Негізі, ол жерде адамға жарақат салу және бұзақылық бойынша бірнеше қылмыстық іс қозғалған болатын. Әрбір қылмыс бойынша қатысушылар бар. Сол себепті қазір басты күдікті ұсталып отыр. Одан бөлек, тағы бірнеше адам бар. Оларға қатысты тергеу шаралары жүргізіліп жатыр", - деді Тұрғымбаев журналистерге берген сұқбатында.

Министрдің айтуынша, қылмыстық істің сипаты әрбір адамның төбелеске қатысуына қарай анықталады. Ал "жауапқа тартылатын адамдардың ішінде тек қазақстандықтар ғана бола ма?" деген сұраққа министр қысқа ғана жауап қайырды.

"Барлығы тергеу кезінде анықталады. Мен оны уақыттан бұрын айта алмаймын", - деді ол. 

Теңіздегі төбелес

Сенбі, 29 маусым күні Теңіздегі 3GI зауытының мыңға жуық жұмысшысы ереуілге шыққан болатын. Бұған әлеуметтік желідегі сурет себеп болған. Фотоға Ливия азаматы Ели Дауд (Eli Daoud) пен қазақ қызы бірге түскен.

Суреттегі көріністі намысқа тиеді деп есептеген жұмысшылар ереуілге шығып, араб қызметкерлерін соққының астына алды.

Инцидент на Тенгизе
© Photo : YouTube / QAZ Trends
Теңіз елді мекенінде болған жағдай

Ал Атырау облысының әкімі Нұрлан Ноғаев оқиғаға ірі мұнай компаниясында жұмыс істейтін қазақстандықтар мен шетелдіктердің еңбек жағдайының тең еместігі себеп болғанын айтты.

Оқиғадан кейін 45 адам дәрігер көмегіне жүгінген. Жағдай ішкі істер органдарының бақылауына алынды. Бірнеше қылмыстық іс қозғалды.

Consolidated Contracting Engineering & Procurement S.A.L. Offshore (CСЕР) компаниясының логистика жөніндегі бас әкімшісі Эли Дауд пен компания басшысы дау туғызып, ереуілге себеп болған фото үшін қазақстандықтардан кешірім сұрады.

Тақырып бойынша

Теңіздегі оқиғаға қатысты тың мәлімет жарияланды
Теңіздегі төбелестен кейін ауруханаға қанша адам жеткізілгені белгілі болды
Араб компаниясының басшысы қазақстандықтардан кешірім сұрады
"Еңбек жағдайы тең емес": Нұрлан Ноғаев Теңізде болған оқиға жайлы
"Намысқа тиетін сурет": Теңіз елді мекеніндегі жаппай төбелестің мән-жайы
Кілт сөздер:
адам, Ішкі істер министрлігі, төбелес
Загрузка...

Басты тақырып