06:06 15 Қараша 2019
Тікелей эфир
  • USD388.49
  • EUR427.26
  • RUB6.06
Ұялы телефон, архивтегі фото

Баланың көзін жой: Атыраулық дәрігердің телефонын тыңдағандар есеңгіреп қалды

© Sputnik / Максим Блинов
Өңірлер
Қысқа сілтеме алу
2024632

Жемқорлыққа қарсы агенттік өкілдері күдікке ілінген Қуаныш Нысанбаевтың телефонын тыңдау кезінде баланың көзін жою туралы бұйрығын кездейсоқ естіп қалған

НҰР-СҰЛТАН, 12 қазан – Sputnik. Атырау облыстық перинаталдық орталығында соңғы екі айда елуге жуық шақалақ шетінеп кеткен. Жемқорлыққа қарсы агенттік өкілдері атышулы перзентхананың осындай статистикасын жариялады.

Осыған байланысты бала өлімі өршіп тұрған орталықтың босану бөлімшесі уақытша жабылатын болды, деп хабарлады КТК.

"Перинаталдық орталықтың желдеткіш жүйесі соңғы бір жарым жылдан бері жұмыс істемеген. Соның салдарынан ауада шаң мен инфекция жиналған. Ақылдаса келе, босандыру бөлімшесін уақытша жабу туралы келісімге келдік. Бұл перинаталдық орталық түгел жабылады деген сөз емес", - дейді Атырау облыстық сыбайлас жемқорлыққа қарсы іс-қимыл департаментінің бастығы Нығметжан Сапаров.

Аталмыш перзентханадағы төсек жапқыш пен жаялықтар арнайы орында емес, аулада жуылып кептірілген көрінеді. Қазір мамандар ол жерден сынама алып тексеруге кірісті.

Ең сорақысы, дәрігерлердің мас күйінде ота жасап, сәбилерге зақым келтіргені анықталған. Осы жайттардың бәрі бала мен ана өлімінің көбеюіне әсер еткен болуы мүмкін. Себебі, биыл 45 мың сәби дүниеге келсе, оның 442-сі өлі туған. 432-сі жарық дүниені көре салып шетінеген. Ал бұл былықтардың әшкереленуіне себепкер болған сәби қазасына қатысты деректі жемқорлықпен күрескерлер ойда жоқта анықтаған.

Тағы оқыңыз: Атыраулық дәрігерлер өлтірген сәбидің әжесі оқиғаның қалай болғанын айтып берді

Жемқорлыққа қатысты күдікке ілінген Қуаныш Нысанбаевтың телефонын тыңдау кезінде баланың көзін жою туралы бұйрығын естіп қалыпты.  

"Біз әңгімені естіген бойда сәбиді құтқарып қалу үшін шұғыл жеттік, бірақ үлгермедік. Перинаталдық орталық қызметкерлері ұзақ уақыт бойы есікті ашпады. Ал Қуаныш Нысанбаевты сағаттап іздеп, қаладағы сауналардың бірінен ұстадық. Тергеу жұмыстарынан кейін сәбилердің жаппай өлімінің нақты себебі белгілі болады деп отырмыз", - дейді департамент бастығы.

Тақырып бойынша

Тірі туған сәбиді тоңазытқышта сақтаған: президент әкімшілігі тапсырма берді
Нәресте тоңазытқыштан табылды: атыраулық дәрігерлердің ауыр қылмысы ашылды
Атырауда 108 нәресте шетінеді: дәрігерлер жас босанған әйелдердің өзін кінәлайды
Атыраудағы сәбилер өлімі: қайғыдан қан жұтқан аналар перзентхананы тексеруді талап етті
"Бәрі жылап жүр": сәби өлімінен кейін перзентхана дәрігерлері арыз жазды
Кілт сөздер:
телефон, дәрігер
Загрузка...

Басты тақырып