Өңірлер

Павлодарда үш дәрігер пневмониядан көз жұмды

© AFP 2024 / NICOLAS ASFOURIМедики отбирают пробы для анализа на коронавирус в мобильном пункте скрининга населения
Медики отбирают пробы для анализа на коронавирус в мобильном пункте скрининга населения - Sputnik Қазақстан
Жазылу
Олардың бәрі коронавирус жұқтырды деген күдікпен ауруханаға түскен, кейін пневмонияға шалдыққаны анықталды

ПАВЛОДАР, 15 шілде – Sputnik. Павлодарда бір апта ішінде үш павлодарлық дәрігер пневмониядан қайтыс болды, деп хабарлады Sputnik Қазақстанға Павлодар облысы денсаулық сақтау басқармасының баспасөз қызметі.

Терапевт Дина Литвинова, акушер-гинеколог Галина Жучкова және стоматолог-хирург Руслан Тұргынбаев көз жұмды.

Олардың бәрі коронавирус жұқтырды деген күдікпен ауруханаға түскен, кейін пневмонияға шалдыққаны анықталды. Үшеуі де облыста белгілі мамандар.

Дина Литвинованың еңбек өтілі - 37 жыл. Жоғары санаттағы дәрігер. Денсаулық министрлігінің "Еңбек ардагері" медалімен марапатталған.

Галина Жучкова медицина саласында 40 жыл қызмет етті. Соңғы 17 жылда Павлодардағы №1 емханада жұмыс істеді.

Руслан Тұргынбаевтың медицина саласындағы еңбек өтілі - 21 жыл. Бірнеше жоғары білікті ота жасаған, мыңдаған балаға көмектескен. Артында үш баласы қалды. 

Жаңалықтар
0