АСТАНА, 16 қыр —Sputnik.Scat және Qazaq Air әуе компаниялары өзінен-өзі жану оқиғаларынан кейін жолаушылардан өз борттарында Samsung Galaxy Note 7-ні пайдаланбауды сұрайды.
"Құрметті жолаушылар, SCAT Әуекомпаниясы және Азаматтық Авиация комитеті Samsung Galaxy Note 7 гаджеттеріне қатысты болған оқиғаларға байланысты ұшар алдында гаджеттерді сөндіруді, әуе кемесінің бортында ұшу барысында телефонды зарядтау құрылғысын қоспауды, сондай-ақ гаджетті багажда тасымалдау үшін оны сөндіруді сұрайды",-делінген SCAT таратқан хабарламада.
Компания жолаушылардан "ең алдымен ұшулардың қауіпсіздігін қамтамасыз етумен байланысты" осы жағдайға түсіністікпен қарауды сұрайды.
"Багажда тасымалдауға болмайды. Бортта тасымалдауға болады, бірақ телефон толық сөндірілуі тиіс", — деп хабарлады Sputnik-ке Qazaq Air әуе компаниясынан.
Бұдан бұрын "Air Astana" компаниясы жолаушыларға бортта Samsung Galaxy Note 7-ні қосудан және қуаттандырудан, сондай-ақ тапсыратын багажда тасымалданудан бас тартуға кеңес берген болатын.
Galaxy Note 7 сатылымы әлемнің он елінде 19 тамызда басталды. БАҚ-та хабарлағандай, Samsung Galaxy Note 7-ні сатуды қуаттандырғышының жарылу мүмкіндігі салдарынан тоқтатады.
Содан кейін компания Galaxy Note 7 барлық жаңа смартфондарын жаңасына ақысыз айырбастайтынын жариялады. Телефондағы ақаудан қысқа тұйықталу болуы мүмкін екендігі, оның қуаттандырғышты қыздыратыны атап көрсетілді.
