АСТАНА, 30 қар — Sputnik. Бейнежазбада сәбиін ұрып соққан әйелге қатысты қылмыстық іс оның туған елі Өзбекстанда қаралатын болады деп хабарлады ішкі істер министрі Қалмұханбет Қасымов.
"Ол Өзбекстан азаматы, біздің елімізде қылмыс жасаған. Қазір өз елінде. Сол себепті біздің жедел тергеу қызметкерлері Өзбекстанға барып, келісімге сәйкес тергеу жүргізді", — деді Қасымов тілшілерге.
Министрдің мәліметінше, қазіргі уақытта ІІМ бас прокуратура арқылы қылмыстық іс деректерін Өзбекстанға өткізу мәселесін қарастырып жатыр.
"Ол Өзбекстан азаматы, сол себепті қылмыстық іс сол елде қаралады", — деп қорытты Қасымов.
