АСТАНА, 11 қаң — Sputnik. Қазақстан Республикасында адам құқығы жөніндегі уәкіл мекеме қазақстандықтарды уақытша тіркеуге байланысты даулы норманың енгізілуі туралы өз пікірін білдірді.
10 Қаңтар 2017, 13:37
"Азаматтарды тұрып жатқан мекенжайы бойынша қосымша уақытша тіркелуін енгізу жөніндегі шаралар елдің қауіпсіздігін сақтауға бағытталғандықтан, халықаралық және ұлттық құқықтардың нормаларына қарама-қайшы келмейді", — делінген омбудсмен мәлімдемесінде.
Осы норманы енгізуге байланысты қалыптасқан ахуалды реттеудің бір шарасы ретінде халықты жаңа жүйеге біртіндеп бейімдеуге бағытталған өтпелі кезеңді енгізу ұсынылып отыр, бұл айыппұл салу мерзімін ұзарту мәселесін қарастырады.
