АСТАНА, 8 ақп — Sputnik. Қазақстан Шешенстанда салынып жатқан Ресейдегі бірегей халықаралық арнайы жасақ күштері орталығына қызығушылық танытуда деп жазады Caspian News.
Шешен инструкторлары шетелдік әріптестеріне лаңкестердің іс-әрекетін кез келген жағдайда, кез келген ортада тоқтатуды үйретуге уәде береді: әуеде, автомобиль, теміржол, теңіз және өзен көліктерінде, мектептерде, ауруханаларда, стадиондарда, метрода, сондай-ақ орман мен тауларда, су бетінде және су астында, т.б.
Осы ретте болжам бойынша, Ресей мен Қазақстан Шешенстандағы оқу орталығымен ынтымақтастық туралы арнайы келісімге қол қояды.