21:04 25 Қыркүйек 2017
Тікелей эфир
Димаш Кудайбергенов

Димаш Құдайбергеновтың танымалдығы қытайлық туристтерді ЭКСПО-ға тартуда

© Foto: аккаунт Димаша Кудайбергенова в Instagram
Қоғам
Қысқа сілтеме алу
ЭКСПО-2017 халықаралық көрмесі (87)
35 0 0

Димаш Құдайбергеновтың даңқы қытайлықтарды Қазақстанға, оның ішінде Астана ЭКСПО-2017 көрмесіне келуге тартады деп санайды ҚР ИДМ туризм индустриясы департаментінің директоры Марат Иғали

АСТАНА, 17 ақп – Sputnik. Қытайдағы ТВ конкурске қатысып жатқан қазақ әншісі Димаш Құдайбергеновтың танымалдығы ҚХР туристтерін ЭКСПО-2017 көрмесіне тартуға көмектеседі деп мәлімдеді ҚР ИДМ туризм индустриясы департаментінің директоры Марат Иғали.

"Бір қызығы, Димаш қазірдің өзінде Қазақстан туризмінің өзіндік бір бейнесіне айналды. Қытай туркомпаниялары сайттарына Қазақстанға, Астана ЭКСПО-2017 көрмесіне бару туралы хабарландырумен қатар Димаштың суретін жариядауда. ЭКСПО кезінде Димаш ән орындайды", — деп жазды Иғали Facebook парақшасында.

Димаш Құдайбергенов
© Foto: аккаунт Димаша Кудайбергенова в Instagram

Димаш Құдайбергенов музыкалық конкурсқа қатысып, қытай жұртшылығын тәнті еткен болатын. Қазіргі уақытта көрермендер назарына конкурстың төрт кезеңі ұсынылған. Осы сенбіде қытайлық телеарнада көрсетілетін бесінші кезеңде қазақ әншісі Бруно Марстың танымал хит әні Uptown Funk орындайды.

Марат Иғали қытай әлеуметтік желісі Wechat сілтемесімен бірге хабарлағандай, Димаш конкурстың алтыншы кезеңінде Adagio әнін жоғары деңгейде орындап, бірінші орын иеленді. 

Тақырып:
ЭКСПО-2017 халықаралық көрмесі (87)

Басты тақырыптар