АСТАНА, 21 ақпан — Sputnik. Qazaq Air қазақстандық әуе компаниясы ұшақтың құйрық жағы не себепті бұзылғанын анықтауда деп хабарлады әуе компания баспасөз қызметі Sputnik Қазақстан агенттігіне.
Бұдан бұрын Денис Кривошеев әлеуметтік желілерде Qazaq Air компаниясының Bombardier ұшағының бұзылуы туралы хабарлаған еді.
"6 ақпан күні ұшақтардың бірінде белгісіз бір ақау пайда болды. Қара жәшіктерден алынған ақпарат бойынша, бұл ақау қону немесе ұшу кезінде ұшақтың құйрығын соғып алу немесе басқа да дұрыс пайдаланбау жайттарына байланысты туындамаған. Демек ұшақтың бұзылуына бұл жайттар себеп болмаған", — деді агенттікке сұхбат беруші телефон арқылы.
Оның сөзіне жүгінсек, кінәрат табылғаннан кейін Қоғамдық авиация комитеті мен Bombardier ұшақ шығарушы компаниясына бірден хабар берілген. Бұзылу себептерін анықтауды ұшақты шығарушы компания Bombardier қолға алды.
"Қазір екі негізгі нұсқасы белгілі. Бұл көмекші күш қондырғысының помпажы, соның кесірінен қондырғы бекітілген аралық деформацияланып, нәтижесінде фюзеляж корпусының пішіні өзгеріп кеткен. Екінші себеп – өндірістік ақау, бәлкім, құрастыру барысында ағаттық жіберілген болуы мүмкін", — деді баспасөз қызметінде.
