АСТАНА, 10 наурыз — Sputnik. Астана қаласы Есіл аудандық №2 соты ҚР Президент Әкімшілігі басшысының бұрынғы орынбасары Бағлан Майлыбаевты қамауға алу мерзімін екі айға ұзартты деп хабарлайды елордалық сот баспасөз қызметі.
Сот берген мәлімет бойынша, Майлыбаев 12 мамырға дейін қамауда болады.
"Қамауға алу мерзімін ұзарту туралы өтініш 7 наурыз күні қаралды", — дейді баспасөз қызметі.
ҚР Президент Әкімшілігі ішкі саясат бөлімі басшысының бұрынғы орынбасары Николай Галихинді де қамауға алу мерзімі 12 мамырға дейін ұзартылды.
Майлыбаев пен Галихин 2017 жылы 2 қаңтарда 185-баптың 1- және 3-бөліктерінде қарастырылған қылмыс жасады деген күдікпен қамауға алынған болатын.