Қоғам

Сағадиев: Ештеңені ойдан құрастырып отырған жоқпыз

© Sputnik / Владимир Песня / Медиабанкке өтуАрхивное фото занятий по алгебре
Архивное фото занятий по алгебре - Sputnik Қазақстан
Жазылу
"Ата-аналардың 80 пайызы балаларының ағылшын тілінде білім алуын қалайды"

АСТАНА, 13 наурыз — Sputnik. Бүгін ҚР Білім және ғылым министрі Ерлан Сағадиев Алматыда бір топ зиялы қауыммен кездескен. Бұл туралы министрліктің фейсбуктегі ресми парақшасында хабарланған.

Ерлан Сағадиев - Sputnik Қазақстан
Қоғам
Сағадиев: Білім министрлігіне өз командамды әкелген жоқпын

"Кездесу барысында министр жұртшылықты алаңдатқан сауал — мамандықтар жіктеуішіне (классификаторы) тоқталды. Бұл құжат 2011 жылдан бастап талқыға түсіп жатқанын еске салған Ерлан Сағадиев министрлік маңызды құжаттарды көпшілік талқысына салмай енгізбейтінін айтты. Сондай-ақ бұл сауал ЖОО ректорлары кеңесінде талқыланып жатқанын атап өтті", — деп жазылған ресми парақшада. 

Тағы бір аса маңызды сұрақ, бұл – 11-сынып оқушыларына химия, физика, биология пәндерін ағылшын тілінде оқыту. "Бұл мәселені талқылауға болады" деген министр академик ғалымдар – Қазақстанның еңбек сіңірген қайраткері, филология ғылымының докторы Серік Қирабаев пен география ғылымының докторы, профессор Әлия Бейсеновамен кездескенін, сонда осы сұрақты талқыға салғандарын айтты.

Студенты вуза. Архивное фото - Sputnik Қазақстан
Қоғам
Сағадиев "Қазақ тілі" мен "Қазақ әдебиеті" мамандығы алынып тастағаннан бейхабар

"Таяуда Алматы, Шымкент, Талдықорғанда мектеп директорлары мен мұғалімдермен кездескенде оларға ата-ана баласын жоғары сыныптарда ағылшын тілінде оқытқысы келмесе, өзі шешсін деген сұрақты қойған болатынбыз, алайда, олардың басым көпшілігі бұлай етуге болмайтынын айтады. Педагогтардың сөзінше, бұлай болатын болса, оқушылар арасында өзара бөліну болуы мүмкін. Талантты не талантсыз деген сөздер туындауы ықтимал. Сол себепті де барлығына бірдей оқытқан жөн. Оның үстіне ата-аналардың 80 пайызы балаларының ағылшын тілінде білім алуын қалайды. Ата-аналардың, ұстаздардың пікірлеріне, ұлттық бағдарламаға жүгініп отырмыз. Ештеңені ойдан құрастырып отырған жоқпыз. Бағдарлама 2019 жылдан басталады. Оған дейін барлығын бақылауда ұстаймыз. Егер басқа да пікірлер болатын болса, ашық талқылауға дайынбыз. Мүмкін Ұлттық ғылым академиясы жанынан осындай қоғамдық сұрақтарды талқылау үшін орган құрармыз", — деді Білім және ғылым министрі.

Сондай-ақ кездесу барысында бұдан өзге де мәселелер талқыланған.  

Жаңалықтар
0