АСТАНА, 22 наурыз — Sputnik. Алматы-2 теміржол вокзалынан Алматы-Ташкент бағыты бойынша жүрдек пойыз алғашқы рейске жіберілді деп хабарлайды Sputnik Қазақстан тілшісі.
Пойыз 21 наурзы күні 23:00-де аттанды, межелеген жеріне әлі жеткен жоқ. Пойыз Өзбекстан президенті Шавкат Мирзиёевтің Қазақстанға мемлекеттік іссапары алдында салтанатты түрде іске қосылды.
Алматы мен Ташкент арасындағы жүрдек пойыз билетінің бағасы: люкс – 13036, бизнес – 11077 теңге, купе – 9342 теңге және отыратын орындар – 4228 теңге.
Пойыз Алматыдан дүйсенбі және сенбі күндері аттандырылатын болады. Жолда Отар, Шу, Тараз, Шымкент, Сарыағаш және Ташкент станцияларына тоқтайды.
