АСТАНА, 3 сәуір — Sputnik. Астанада 10 сәуірден бастап заңсыз сақталып жатқан оқ ататын қарулар мен соғыс жарақтарын, жарылғыш затттарды сатып алу науқаны басталды деп хабарлады қалалық ішкі істер департаментінің баспасөз қызметі.
Мемлекет қару-жарақты өз еркімен өткізген азаматтарға қарудың түріне байланысты 10 айлық есептік көрсеткіштен 100 айлық есептік көрсеткішке дейін ақшалай қаражат төлейді.
"Тіркелмеген оқ ататын қаруларды, соғыс жарақтары мен жарылғыш заттарды өз еркімен өткізген азаматтар қылмыстық және әкімшілік жауапкершіліктен босатылады", — деп еске салады полиция.
Қаруды сату туралы ақпаратты келесі нөмірлер арқылы білуге немесе хабарлауға болады: Астана ІІД – 716-018, 716-170, 716-366, аумақтық "Алматы" ІІБ — 716-737, "Сарыарка" — 716-646, "Есиль" — 716-561.
Толығырақ ақпарат ІІД ресми сайтында жарияланған.
