АСТАНА, 19 сәуір — Sputnik. Қазақстан Республикасы президенті Нұрсұлтан Назарбаев Қоғамдық сананы жаңғырту бағдарламасын іске асыру жөніндегі ұлттық комиссия құру туралы қаулы шығарды, деп хабарлайды Ақорданың ресми сайты.
Комиссия қоғамдық сананы жаңғырту бағдарламасын іске асыру, елдің одан әрі қарышты мәдени-гуманитарлық дамуын қамтамасыз ету мақсатында құрылды.
Комиссия құрамына Қазақстан Республикасы Президенті Әкімшілігінің асшысы Әділбек Жақсыбеков, Қазақстан Республикасы ақпарат және коммуникациялар министрі Дәурен Абаев, Қазақстан Республикасы Сыртқы істер министрі Қайрат Әбдірахманов кірді.
Сондай-ақ комиссия құрамына Қазақстан Республикасы Әділет министрі Марат Бекетаев, «Нұр Отан» партиясы Төрағасының бірінші орынбасары Мұхтар Құл-Мұхаммед, Қазақстан Республикасы Мәдениет және спорт министрі Арыстанбек Мұхамедиұлы тағы басқалар енді.
