АСТАНА, 10 маусым — Sputnik. ЭКСПО-2017 көрмесіндегі Ресей павильонының ашылу салтанатында "арктикалық суық лебі" сезілді, деп хабарлайды Sputnik Қазақстан агенттігі.
Дәстүрлі қызыл таспаға арнайы ерітінді құйғанда, ол көзді ашып жұмғанша мұз болып қатып қалды. Сол кезде павильонның ресми тұлғалары таспаны балғамен ұрып шақты.
"Ресей ешқашан көрмеге жайдан-жай қатыспайды. Ол үнемі таңғалдыруға тырысады. Бүгін бізде ерекше ашылу салтанаты болады. Біз ештеңені кеспейміз", — деп атап өтті ашылу салтанатының жүргізушісі.
Осы тақырыпқа сай Ресей ЭКСПО көрмесіне нағыз айсбергтің бір бөлігін алып келіпті.
Ресей павильоны ЭКСПО көрмесі бойынша келушілер ең көп келетін орын болады деп сенеді ұйымдастырушылар.
"Ресей павильоны қалдырған әсерімен, болашақтың энергетикасын ұсынудағы қосқан үлесімен үздік орындардың бірін алады деп сенемін. Ресейдің инновациялық даму мен болашақтың энергетикасын пайдалануға бет бұрып, әртүрлі теңіздер жағасын шайып жатқан ел ретіндегі басымдығын қолдана алатынын баршаңыз көре аласыздар", — деді Ресейдің Қазақстандағы төтенше әрі өкілетті Михаил Бочарников.
ЭКСПО көрмесі сенбі күні таңертең келушілерге есігін айқара ашты. Көрме 10 қыркүйекке дейін жалғасады.
