ЭКСПО көрмесінің ең танымал үш павильоны анықталды

АСТАНА, 28 маусым — Sputnik. ЭКСПО ашылғалы бері 27 маусымдағы көрсеткіш бойынша көрмеге 425 мың 377 адам келген. Жалпы көрмеге кіру саны 2 миллион 774 мың 527-ге жетті, деп хабарлады "Астана ЭКСПО-2017" ҰК. 

"Өткен апта бойынша 19-25 маусым аралығында ЭКСПО көрмесіне 168 мың 675 адам келді, яғни бір күн ішінде орта есеппен 24 мың 96 адам ", —деп хабарлады ЭКСПО баспасөз қызметі. 

Сонымен бірге, ұлттық компания келушілер ең көп келген павильондар тізімін құрды. Үздік үштік құрамында – Ресей, Өзбекстан және Үндістан.  Одан кейін – Әзербайжан, Африка Плазасы, Египет, Қытай, Түркия, Сауд Арабиясы корольдігі, Малайзия.