06:33 14 Қараша 2019
Тікелей эфир
  • USD389.34
  • EUR428.78
  • RUB6.05
Жеміс

Астанада қандай жеміс-жидек, көкөністерден аулақ болған жөн?

© Sputnik / Саид Царнаев
Қоғам
Қысқа сілтеме алу
114 0 0

Мамандар бақша өнімдерін сатып алғанда бірқатар шарттарды сақтауға шақырады

АСТАНА, 14 шілде – Sputnik. Астанада сатылатын бау-бақша өнімдерінде нитраттар табылған жоқ. Есесіне химикаттар басқа бақша өнімдерінде көп кездеседі, деп хабарлайды Астана әкімдігінің сайты медиа орталығына сілтеме жасап.

Атап айтқанда картоп (140 сынаманың 3-інде), қырыққабат (169/9), баялды (41/1),  редис (34/2), шомыр (11/1),  кәді (32/3), банан (23/1), құлпынайда (16/2) нитраттардың қалдық мөлшері жоғары екенін көрсетті.

Елордалық қоғамдық денсаулықты сақтау департаментінің хабарламасына сәйкес, нитраттардың қалдық мөлшері жоғары өнімдер шетелден әкелінген: мысалы құлпынай Италиядан, ал химиялық элеметтер табылған картоп Қытайдан жеткізілген.

Сонымен бірге бау-бақша өнімдерінде әзірге дейін нитраттар табылған жоқ. Шілде айының басынан бері қарбыз бен қауынның құрамындағы нитраттардың қалдық мөлшерін анықтау мақсатында 33 сынама тексерілді.

Мамандар бақша өнімдерін сатып алғанда бірқатар шарттарды сақтауға шақырады. Бау-бақша өнімдерін тек дүкендер мен базарлардан сатып алған жөн, себебі тамақ өнімдері уақытша сақтау мен температуралық режимді қадағалау арқылы жүзеге асырылуы керек. Ауа температурасы мен ылғалдылығының төмен немесе жоғары болуы өнімнің сапасына әсер етіп, қауіпсіздігіне кепілдік бермейді. Ал, көшедегі ашық күн астындағы жабайы сауда орындарында сатылатын өнімдер кез келген нәрсемен ластануы мүмкін.

Бұдан бөлек, көкөністер мен жемістердің өндірушінің берген өнімнің талапқа сай әрі қауіпсіз екендігін дәлелдейтін құжаттары болуы шарт. Қарбыз бен қауын таңдағанда өнімнің сырт келбетіне мән берген дұрыс (жарылмаған бүтін өнімді таңдау керек). Өнімнің ішіне залалды заттардың түспеуі үшін қауын-қарбызды сатып алмас бұрын кеспеген жөн.

Загрузка...

Басты тақырып