АСТАНА, 24 тамыз — Sputnik. Жыл басынан бері елімізде 12,9 мың адамның жалақы қарызы төленген.
Жыл басынан бері еңбек инспекторлары 956 кәсіпорынның 2,08 млрд тенге көлеміндегі жалақы қарызын анықтады. Аталған кәсіпорындардың жетекшілеріне 127,7 млн теңгені құрайтын 588 айыппұл салынды. Сондай-ақ 816 орындауды талап ететін ескерту берілді, деп хабарлайды ҚР Еңбек және халықты әлеуметтік қорғау министрлігінің баспасөз қызметі.
Осылайша, мемлекеттік еңбек инспекциясының жұмысы нәтижесінде 12,9 мың жалақысыз қалған жұмысшыға 1,68 млрд теңге мөлшеріндегі еңбекақы қарызы өтелді.
