Қоғам

Атышулы орыс тілі оқулығының авторлары қалай ақталды?

CC0 / StockSnap / Кітап оқып отырған бала
Кітап оқып отырған бала - Sputnik Қазақстан
Жазылу
"И-пызява" ертегісі филологиялық көрегенділікті үйретіп, шетел тілдерін оқуға көмектеседі, деп санайды сарапшылар

АСТАНА, 8 қыркүйек — Sputnik. Орыс тілі оқулығының авторлары өздерін қорғап, ақталды. "Мектеп" басылымы бас директоры Ерлан Сатыбалдиевтың пікірінше, кітап оқушылардың филологиялық көрегенділікті оятуға көмектеседі.

Оқулық - Sputnik Қазақстан
Қоғам
Депутаттар жаңа орыс тілі оқулықтарына қатысты пікір білдірді

"Бұл жаттығулар баланың тіл қызметін түсінуі үшін қажет. Мәтінде түбір, жалғау мен жұрнақ бар, шылаулар да кездеседі. Нақты мағынасын білмей, құрамын анықтаймыз. Бұл жаттығу филологиялық көрегенділікке үйретеді", — деді Ерлан Сатыбалдиев елордадағы баспасөз мәслихатында.

Жыл басында жетінші сыныпқа арналған орыс тілі оқулығының құрамы ата-аналар тарапынан қатал сынға алынған еді. Оның ішінде Людмила Петрушевскаяның лингвистикалық ертегісі көпшілікке жақпаған болатын. Ерлан Сатыбалдиевтың айтуынша, бұл ертегіні талдау барысында қалыптасатын дағды шетел тілдерін үйренуге көмектеседі.

Жаңалықтар
0