АСТАНА, 19 қазан — Sputnik. Қазақстанның ұлттық экономика министрлігі бұрынғы басшысы Қуандық Бишімбаевқа қатысты қылмыстық іс сотқа берілді.
"14 қазанда Астана қаласының прокуратурасы қылмыстық істі қылмыстық істер бойынша мамандандырылған ауданаралық сотқа берді. Тергеу барысына зияны тимес үшін ҚР ҚПК 201-бабына сәйкес қозғалған іс бойынша ақпарат таратылмайды", — деп мәлімет берлі Астана прокуратурасы баспасөз қызметі.
Қуандық Бишімбаев бірнеше мәрте пара алды, Қызылордадағы шыны зауытын салу кезінде 1 миллиард теңге қымқырды деген күдікпен 12 қаңтардан бері қамауда отыр.
