АСТАНА, 6 қараша – Sputnik. Алдағы үш күнде республиканың басым бөлігінде ауа райы жауын-шашынды болады.
Синоптиктердің болжамынша, күздің соңғы айында бірнеше облыста тұман мен көктайғақ жиі болады.
«Алдағы үш тәулікте республиканың басым бөлігінде түнгі және таңғы уақыттарда тұман түсіп, көктайғақ болады деп болжануда. Атмосфералық ағымдардың өтуінен ауа райы жауын-шашынды болады. Солтүстік аумақта қар жауып, кей жерлерде бұрқасындатады, желдің жылдамдығы 15-23 м/с дейін күшейеді. Ауа температурасы қалыпты нормаға жақын, ал батыс пен оңтүстікте 2-5ºС жоғары болады», — делінген «Қазгидромет» РМК хабарламасында.
