АСТАНА, 10 қараша — Sputnik. Қазақстанда жасанды ұрықтандыру бағдарламасы (ЭКО) жүргізілген жылдар ішінде 10 мыңнан астам сәби дүниеге келді, деп хабарлайды Қазақстанның денсаулық сақтау министрлігі баспасөз қызметі.
"Пробиркадан пайда болған" алғашқы нәресте 1996 жылы туды.
"Қазақстан республикалық бюджет есебінен белсіздікке шалдыққан науқастар арасында ЭКО бағдарламасын жүргізу туралы шешімді посткеңестік кеңістіктегі мемлекеттер арасында алғашқылардың бірі болып қабылдады", — дейді ҚР денсаулық сақтау вице-министрі Ләззат Ақтаева халықаралық конгресте сөйлеген сөзінде.
2010 жылдан бері ЭКО бағдарламасы тегін медициналық көмектің кепілдендірілген көлеміне енгізілген әрі жыл сайын саны өсіп келеді: 2010-2017 жыл аралығында – тоғыз есе (жылына 900 циклге жетті).
Қазақстанда ақылы ЭКО қызметінің бағасы 2500 доллар (900 мың теңгедей) тұрады.
