10:36 21 Қараша 2017
Тікелей эфир
кісен, архив суреті

Оңтүстік Кореяда қыз зорлаған шымкенттіктің ісіне қатысты СІМ түсініктеме берді

© AFP / Sebastian Kahnert / POOL
Қоғам
Қысқа сілтеме алу
303 0 0

Оңтүстік Кореяда әйел зорлады деген күдікпен Қазақстан азаматы ұсталды

АСТАНА, 14 қараша — Sputnik. Қазақстанның сыртқы істер министрлігі Оңтүстік Кореяда қыз зорлады деген күдікпен ұсталған отандасымыздың ісіне қатысты түсініктеме берді, деп хабарлайды Sputnik Қазақстан тілшісі. 

"Біз Оңтүстік Кореяның құқық қорғау органдары әйел зорлады деген күдікпен Қазақстан азаматын ұстағанын растаймыз. Корейлік тарап тергеуге байланысты бұл істің мән-жайын ашпай отыр", — деді ҚР Сыртқы істер министрлігі баспасөз қызметінің жетекшісі Әнуар Жайнақов. 

Оның айтуынша, бұл істі Оңтүстік Кореядағы Қазақстан елшілігі ерекше бақылауға алды. 

"Оңтүстік Кореядағы Қазақстан консулы ұсталған жігіттің туған-туыстарымен, осы істі жүргізіп жатқан прокурор және адвокатпен тұрақты түрде байланысып отыр", — деді ол. 

Бұған дейін бұқаралық ақпарат құралдарында 23 жастағы Шымкент тұрғынының Оңтүстік Кореяда 30 жастағы әйелді зорлады деген күдікпен ұсталғаны хабарланған болатын. Қазақстандық жігіт Оңтүстік Кореяға биыл ақпан айында кеткен. 


Басты тақырыптар