06:30 21 Қараша 2017
Тікелей эфир
Квартира, купленная представителем властей Казахстана в Париже, за 65 миллионов евро

Шетелдік риелтор Қазақстанның билік өкілі 65 миллион еуроға сатып алған пәтерді көрсетті

© Foto: из личного архива Игнаса Мювиссена
Қоғам
Қысқа сілтеме алу
287 0 0

Қазақстандық құны 65 миллион еуро пәтермен бірге Mercedes G және Maybach көліктерін сатып алған

АСТАНА, 15 қараша — Sputnik. Бельгиялық риелтор Қазақстан үкіметінің ресми өкілі сатып алған, құны 65 миллион еуро тұратын пәтерді көрсетті. Брокер Игнас Мювиссен Sputnik Қазақстан агенттігіне берген сұхбатында Қазақстанның аса танымал әрі бай тұлғаларымен бұрын да жұмыс істегенін айтып берген.

Риелтор Игнас Мювиссен
© Foto: из личного архива Игнаса Мювиссена
Риелтор Игнас Мювиссен
 

"Мен жылжымайтын мүлік саласында жұмыс істеп жүргеніме 20 жыл болды. Бай адамдармен қарым-қатынасым жақсы, шыны керек, маған бәрі сенетіндіктен, беделім жаман емес. Иә, Қазақстаннан бірнеше клиентім болды. Негізінен посткеңестік кеңістікте тұратын адамдармен жұмыс істеймін. Жалпы, қазақстандықтар Еуропаға жиі келе бастады", — дейді Игнас Мювиссен.

Риелтордың сөзіне сүйенсек, клиенттердің бәрі бірдей кім екенін жасырмайды, дегенмен Қазақстанның билік өкілі пәтердің бұрынғы иесімен құпия түрде кездескен. Мювиссеннің айтуынша, риелтор арқылы пәтер сатып алған адаммен қазір байланысу мүмкін емес.

"Менің атымды Гуглға жазып қарасаңыз, бұрын жұмыс істеген адамдарды көре аласыз. Бірақ клиентімнің атын құпия түрде қалдырғысы келгенін құрметтеймін. Бұл оның өзі және отбасы үшін маңызды. Сатып алушы мен сатушы арасында кездесуді өзім ұйымдастырдым. Бірнеше сағатқа ғана созылды", — деп атап өтті Мювиссен.

Риелтордың айтуынша, қазақстандық пәтермен бірге төрт көлік сатып алыпты: күзет қызметі үшін екі Mercedes G, жеке пайдалануға екі Maybach темір тұлпарын.

"Бүгінде жұртшылық ақшасын бірдеңеге салып, инвестициясын сақтау  жолдарын қарастырады. Париж, жалпы Еуропа – бұл мақсатта таптырмайтын жер. Жылжымайтын мүлік керемет", — деп пікірімен бөлісті Мювиссен.

Қазақстандық билік өкілі сатып алған пәтердің ішкі көрінісі
© Foto: Игнас Мювиссеннің жеке архивінен
Қазақстандық билік өкілі сатып алған пәтердің ішкі көрінісі

Бұдан бұрын хабарланғандай, Қазақстан билік өкілі Франция астанасында пәтер сатып алған. Пәтерде бес жатын бөлме, SPA және тағы басқа арнайы бөлмелер бар.

Сән салтанатты үй қаланың басты сауда көшелері орналасқан "Алтын үшбұрыш" ауданындағы Авеню монтеньде, Елисей алаңына жақын жерде орын тепкен. Терезеден әйгілі Plaza Athénée бес жұлдызды қонақ үйі көрініп тұр.

"Бұрынғы иесі бірнеше пәтерді қосып, кеңейткен. Сатқан адам интерьерді жөндеуге 100 миллион еуро жұмсапты. Күзет қызметі екі жылдан бері жұмыс істеп келеді. Пәтер негізінен достарымен кездесіп, бас қосуға арналған. Қазақстандық сатып алушы менің беделімді жақсы біледі, сондықтан тез арада келісім жасадық", — деді Игнас Мювиссен.

Басты тақырыптар