Қоғам

Қазақстан ниқаб, чадра және паранджа киюге неліктен тыйым салмақшы?

© AFP 2024 / FADEL SENNA Паранджа киген әйел, архивтегі фото
Паранджа киген әйел, архивтегі фото - Sputnik Қазақстан
Жазылу
Биыл парламентке түсуі тиіс заң жобасы діни жоралғылар бойынша некеге тұруға да тыйым салады

АСТАНА, 24 қараша — Sputnik. Қазақстанда бетті жауып тұратын киімдер киюге тыйым салу азаматтардың қауіпсіздігін сақтаудан туындап отыр. Бұл туралы “Діни қызмет және діни бірлестіктер туралы ҚР кейбір заңнамалық актілеріне өзгерістер мен толықтырулар енгізу туралы” заң жобасын дипломаттарға түсіндіруге арналған брифингте еліміздің дін істері және азаматтық қоғам министрі Нұрлан Ермекбаев мәлімдеді.  

Хиджаб киген қыздар - Sputnik Қазақстан
Әлем
Министр: хиджаб тазалыққа қайшы
Министрлік қоғамдық орындарда адамды тануға кедергі келтіретін киімдерге тыйым салуды көздейтін заң жобасын дайындаған. Сонымен қатар, құжат кәмелетке толмаған балаларды діни қызметке заңсыз тартуға жауапкершілікті күшейтіп, діни жоралғылар бойынша некеге тұруға тыйым салады.    

"Нәтижесінде сарапшылар азаматтардың қауіпсіздігі осындай шаралар енгізуді талап етеді деген шешімге келді", — деді Ермекбаев. 

Ол мұндай шара "шын мәнінде діни мәселеге қатысты емес екенін, бұл қоғам қауіпсіздігі мәселесі саналатынын" атап өтті.  

"Ниқаб, чадра, балаклава, паранджа және бетперделер сияқты киімдер жеке тұлғаны сәйкестендіру кезінде құқық қорғау органдарына кедергі келтіреді, сонымен бірге қоғамдық қауіпсіздікті қамтамасыз ету шараларының тиімділігін төмендетеді. Сонымен қатар, бұл біздің қоғамға тән емес және көпшілікті бұл ашық түрде алаңдатады", — деді Ермекбаев. 

Заң жобасы Қазақстан парламентіне жыл соңынан дейін түсуі тиіс.   


Жаңалықтар
0