11:38 23 Сәуір 2018
Тікелей эфир
Қазақтың латын әліпбиі

Назарбаев: терминдерді қазақ тіліне аударудағы "жаңалықтар" күлкіңді келтіреді

© REUTERS / Shamil Zhumatov/Illustration
Қоғам
Қысқа сілтеме алу
Елбасының Қазақстан халқына жолдауы (12)
100720

Соңғы жылдары әлемде қалыптасқан 7 мың термин қазақ тіліне аударылған

АСТАНА, 10 қаңтар — Sputnik. Мемлекет басшысы Нұрсұлтан Назарбаев әлемдік терминдерді қазақ тіліне аудару тәжірибесін сынға алды.

"Қазақстандықтардың болашағы – қазақ, орыс және ағылшын тілдерін еркін меңгеруінде.Орыс тілді мектептер үшін қазақ тілін оқытудың жаңа әдістемесі әзірленіп, енгізілуде. Егер біз қазақ тілі ғұмырлы болсын десек, оны жөнсіз терминологиямен қиындатпай, қазіргі заманға лайықтауымыз қажет.Алайда, соңғы жылдары әлемде қалыптасқан 7 мың термин қазақ тіліне аударылған.

Мұндай "жаңалықтар" кейде күлкіңді келтіреді. Мысалы, "ғаламтор" (Интернет), "қолтырауын" (крокодил), "күйсандық" (фортепиано) және тағы сол сияқтылар толып жатыр", — дейді президент Қазақстан халқына арнаған жолдауында.

Елбасының айтуынша, осындай аудармаларды негіздеу тәсілдерін қайта қарастырып, терминология тұрғысынан қазақ тілін халықаралық деңгейге жақындату керек.

Президент латын әліпбиіне көшу бұл мәселені реттеуге мүмкіндік беретініне сенім білдірді. 

"2025 жылға дейін білім берудің барлық деңгейінде латын әліпбиіне көшудің нақты кестесін жасау қажет", — деді Елбасы.

Тақырып:
Елбасының Қазақстан халқына жолдауы (12)

Басты тақырыптар