Қоғам

Білім және ғылым вице-министрі жалақысының қанша екенін айтты

© Sputnik / Серикжан КовланбаевАқша
Ақша - Sputnik Қазақстан
Жазылу
Білім және ғылым вице-министрі Бибігүл Асылованың жалақысы 600 мың теңгеге жуық

АСТАНА, 13 ақпан — Sputnik. Білім және ғылым вице-министрі Бибігүл Асылова журналистерге жалақысы қанша екенін айтты. 

Sputnik Қазақстан тілшісінің сауалына жауап берген вице-министр мемлекеттік қызметте біраз жыл істегенін атап өтті. 

500 теңгелік банкнота - Sputnik Қазақстан
Экономика
Елімізде ең жоғары жалақыны кімдер алады?
"Жалақы еңбек өтілі мен білім деңгейіне байланысты төленеді, яғни барлық орталық органдардың мемлекеттік қызметкерлері, департамент директоры, вице-министрлер бір жүйемен жүреді. Біз ешқандай қосымша ақы алмаймыз, менің айлығым 600 мың теңгеге жақын",- деді Асылова министрлік алқасының кеңейтілген отырысында. 

Сондай-ақ, вице-министрдің айтуынша, 1 қаңтардан 90 мыңға жуық мұғалім, ал 1 қыркүйектен бастап тағы 200 мың педагог 30 пайыз мөлшерінде үстеме ақы алады. 

Айта кетсек, 7 ақпанда мұғалімдердің жалақысын көтеру туралы қаулы шықты, осыған байланысты өңірлерде ұстаздардың еңбекақысы қайта есептеледі.

Жаңалықтар
0