05:06 22 Тамыз 2018
Тікелей эфир
  • USD360.71
  • EUR411.53
  • RUB5.38
Астананың келбеті

Исекешев Елбасыға Астананың 20 жылдығына дайындық барысын баяндады

© Sputnik / Болат Шайхинов
Қоғам
Қысқа сілтеме алу
Астананың 20 жылдығы (20)
60 0 0

Елбасы елордада бірқатар әлеуметтік нысанның құрылысына қатысты жұмыстарды оң бағалады

АСТАНА, 13 ақпан — Sputnik. Мемлекет басшысы Нұрсұлтан Назарбаев Астана қаласының әкімі Әсет Исекешевті қабылдады, деп хабарлайды Ақорданың баспасөз қызметі. 

Кездесуде Қазақстан президентіне елорданың әлеуметтік-экономикалық дамуы және Астананың 20 жылдығын мерекелеуге дайындық барысы жөнінде мәлімделді.

Жәрмеңке
© Foto : акимат Южно-Казахстанской области
– 2017 жылдың қорытындысы бойынша қаланың әлеуметтік-экономикалық даму көрсеткіші 2 есеге жуық артты. Өнеркәсіп 7 пайызға өсті. Соңғы бес жыл ішінде 46 индустриалдық жоба бір триллион теңге кіріс әкелді, – деді Әсет Исекешев.

Сондай-ақ, Нұрсұлтан Назарбаевқа негізгі капиталға тартылған жеке инвестициялар көлемі ұлғайып, есепті кезең ішінде оның үлесі 70 пайыз болғаны туралы баяндалды.

– Өткен жылы 2,4 миллион шаршы метр тұрғын үй салынып, рекордтық көрсеткішке қол жеткізілген еді. Біз қазір жеке инвесторлар мен ұлттық компаниялар есебінен қаланың төрт ауданында құрылыс жұмыстарын жүргізіп жатырмыз, – деді Астана қаласының әкімі.

Ә.Исекешев Нұрсұлтан Назарбаевқа елордадағы инфрақұрылымдық жобалардың іске асырылу барысы мен Астана маңында жаңа жолдар салу жоспары жөнінде мәлімдеді.

Мемлекет басшысы елордада басқа өңірлердің әкімдіктерімен бірлесіп салынған бірқатар әлеуметтік нысанның құрылысына қатысты жұмыстарды оң бағалады.

Қазақстан президенті кездесу соңында нақты тапсырмалар берді.


Тақырып:
Астананың 20 жылдығы (20)

Басты тақырыптар