Қоғам

Экс-министр Тамара Дүйсенова жаңа қызметке тағайындалды

© Sputnik / Болат ШайхиновТамара Дүйсенова
Тамара Дүйсенова - Sputnik Қазақстан
Жазылу
Президенттің жарлығымен 9 ақпан күні Тамара Дүйсенова еңбек және халықты әлеуметтік қорғау министрі қызметінен босатылған болатын

АСТАНА, 22 ақпан – Sputnik. ҚР президенті, "Нұр Отан" партиясының төрағасы Нұрсұлтан Назарбаевтың шешімімен Тамара Дүйсенова партия хатшысы қызметіне тағайындалды, деп хабарлайды партияның баспасөз қызметі.

Тамара Дүйсенова - Sputnik Қазақстан
Саясат
Назарбаев министрге: мына жұмыстан шаршадың ба әлде?

Бүгін "Нұр Отан" партиясы төрағасының бірінші орынбасары Мәулен Әшімбаев орталық аппарат ұжымына партияның жаңа хатшысын таныстырды. 

Мәулен Әшімбаев Тамара Дүйсенованың мемлекеттік қызметте және басшылық лауазымда тәжірибесі бай екенін ерекше атап өтті. Сондай-ақ, ол Елбасының партия қызметін жаңғырту жөніндегі тапсырмасын жүзеге асыруға жаңа хатшының үлкен үлес қосатынына сенім білдірді. 

"Сіздің әлеуметтік саладағы бай тәжірибеңіз партия жұмысына игі әсерін тигізеді деп есептеймін. Себебі, әлеуметтік мәселелерді шешу "Нұр Отан" партиясының басым бағыттарының бірі болып саналады. Сіздің партия қатарына келуіңізбен осы бағыттағы жұмысымызды одан әрі күшейтеміз деп сенемін", – деді Мәулен Әшімбаев.

Тамара Дуйсенова - Sputnik Қазақстан
Қоғам
Жаңа еңбек министрі: Тамара Дүйсеновамен сөйлестім...

Тамара Қасымқызы Дүйсенова 1965 жылы 11 қаңтарда Оңтүстік Қазақстан облысында туған. Ташкент халық шаруашылығы институтын бітірген. Экономика ғылымдарының кандидаты. Әр жылдары ол жауапты басшылық қызметтерді абыроймен атқарды. 

Атап айтқанда, Шымкент қаласы әкімінің бірінші орынбасары, Оңтүстік Қазақстан облысы әкімінің орынбасары, Еңбек және әлеуметтік қорғау министрлігінің жауапты хатшысы, вице-министрі, Денсаулық сақтау және халықты әлеуметтік қорғау министрі, Еңбек және халықты әлеуметтік қорғау министрі болып жұмыс істеді.

Жаңалықтар
0