13:26 17 Желтоқсан 2018
Тікелей эфир
  • USD371.31
  • EUR419.32
  • RUB5.59
Талапкерлер

Министр қосымша гранттар туралы ақпарат қашан шығатынын айтты

© Foto : Официальный аккаунт Назарбаев Университета в Facebook
Қоғам
Қысқа сілтеме алу
33 0 0

11 мың грант техникалық мамандықтарға бөлінбек

АСТАНА, 13 наурыз – Sputnik. Білім және ғылым министрі Ерлан Сағадиев қосымша гранттар саны туралы ақпарат бір айдан кейін жарияланатынын мәлім етті, деп хабарлайды Sputnik Қазақстан тілшісі.

ҚР президенті Нұрсұлтан Назарбаев бес әлеуметтік бастамасын жариялаған кезде, жастарға қамқорлық ретінде қосымша 20 мың грант бөлуді тапсырған болатын. 

Сағадиев өз басшылық ететін министрліктің Елбасының міндеттерін орындауды бастап кеткенін айтты. 

"Жол картасына сәйкес, министрлік қосымша оқу гранттарына қатысы ұсыныстарын қаулы жобасы түрінде Ұлттық кәсіпкерлер палатасына, жоғары оқу орындарына жолдады. Қазіргі таңда министрлік олардан тиісті жауап күтіп отыр. Сол жобаға сәйкес 11 мың грант техникалық мамандыққа, 5 мың грант басқа мамандықтарға, үш мың грант магистратураға және бір мың грант PhD бағыттарға бөлінеді", —деді министр.

Сонымен қатар Сағадиев  ҰБТ-ға өте аз уақыт қалғанын, ал халық ведомстводан қандай мамандыққа қанша грант бөлінгені туралы ақпарат күтетінін айтты. 

"Біздің ойымызша, осы гранттардың санын жобалық болжам ретінде барлық министрлікпен келісіп, бір айдың ішінде жариялау керек. Халық оны күтіп отыр. Сосын бюджет заңнамасына, нормативтік актілерге тиісті өзгерістер енгізу қажет", — деді министрлік басшысы.

Кілт сөздер:
жол картасы, бес әлеуметтік бастама, гранттар, Ерлан Сағадиев
Загрузка...

Басты тақырыптар