АСТАНА, 18 наурыз – Sputnik. "Қазгидромет" Шығыс Қазақстан облысында ауа температурасы жоғарылап, жауын-шашын түсуіне байланысты дабылды ескерту жариялады.
"18-19 наурыз аралығында Шығыс Қазақстан облысының аласа таулы аймағында ауа температурасы жоғарылап, жауын-шашын түседі деп болжануына байланысты жергілікті және беткейлік ағын пайда болып, су деңгейі көтерілуі мүмкін", — деп жазылған ҚР ІІМ төтенше жағдайлар комитетінің сайтында.
Ал бүгін синоптиктердің болжауынша атмосфералық фронттардың өтуіне байланысты Қазақстанның басым бөлігінде ауа-райы құбылмалы болады, кей жерлерінде жауын жауады. Тек республиканың оңтүстігінде күн ашық. Кей жерлерінде тұман түсіп, көктайғақболады, жел күшейіп, жаяу бұрқасын соғады.
