Қоғам

Кемероводағы алапат өрт қазақстандық шенеунікті ойландырып тастады

© Sputnik / Максим КиселевКемероводағы өрт
Кемероводағы өрт - Sputnik Қазақстан
Жазылу
Оның айтуынша, Қазақстанда мыңнан аса сауда ойын-сауық орталығы бар, олардың барлығы биыл тексерістен өтеді

АСТАНА, 27 наурыз – Sputnik. ҚР ІІМ төтенше жағдайлар комитетінің төрағасы Владимир Беккер еліміздегі сауда орталықтарында өрт қауіпсіздігі қалай тексерілетінін айтты, деп хабарлайды Sputnik Қазақстан тілшісі. 

Кемероводағы сауда орталығы өртініп жатыр, архивтегі сурет - Sputnik Қазақстан
Қоғам
Сағынтаев: Кемероводағы трагедия бізге сабақ болуы тиіс

"Бүгінде елімізде шамамен 1151 сауда орталығы бар, биыл барлығы тексерістен өтеді. Осындай қайғылы оқиғаларды ескеріп, мен эвакуация жолдарын, өртті анықтау жүйесі мен қауіпсіздікті қамтамасыз ету жағдайына ерекше көңіл бөлуді тапсырдым", — деді Беккер. 

Оның айтуынша, өрт қауіпсіздігін сақтамаған сауда орталықтарына 50 АЕК немесе 120 250 теңге айыппұл салынады. 

"Жабық тұрған әр есік үшін айыппұл салмаймыз. Әкімшілік хаттама толтырылады, барлық заң бұзушылық соған тіркеліп, әкімшілік жауапкершілікке тартылады. Егер екінші тексеріс кезінде заң бұзушылық жойылмаса, материалар сотқа жолданады. Ол кезде айыппұл мөлшері өсіп, 100 АЕК-ті құрайды немесе нысанның қызметі уақытша тоқтатылуы мүмкін. Былтыр мұндай шараны 21 рет қолдандық", — деді ол. 

ТЖК басшысы қазақстандықтар қауіпсіздік талаптарын бұзған сауда орындарына жазбаша түрде шағымдана алатынын айтты. 

"Сурет пен видео жолдаған жақсы, әрине. Бірақ заңнамаға сәйкес жазбаша арыз қажет. Біз қазір осы жүйемен жұмыс істеп жатырмыз. Тексерісті қатаңдату үшін бірқатар ұсыныс дайындап қойдық. Жоспарлы тексеріс не екенін сіздер жақсы білесіздер. Кәсіпкер тексеріс жоспарына енгізілгенін көреді. Оның үстіне, біз бір ай бұрын тексеріс үшін келетінімізді хабарлаймыз. Әрине олар дайындалады. Ал біз сауда нысандары қожайындарының жауапкершілігін көтеруіміз керек. Сауда орталығындағы қауіпсіздік үшін мемлекеттік инспектор емес, ең әуелі сол нысанның қожайыны қам жеуі керек", — деді Беккер.

Кемероводағы жойқын өрттен қаза тапқандардың туыстары оқиғаның мән-жайы туралы айтты - Sputnik Қазақстан
Видео
Кемероводағы жойқын өрттен қаза тапқандардың туыстары оқиғаның мән-жайын айтты

Журналистер комитет төрағасынан "балаларыңыз бен немерелеріңізді Астанадағы сауда орталықтарына жібересіз бе?" деп сұрады.

"Шынымды айтайын, бұл жайында ойланып қалдым", — деп қысқа қайырды Беккер.

Еске сала кетсек, 25 наурыз күні Ресейдің Кемерово қаласындағы сауда орталығында өрт шығып, 64 адам қаза тапқан болатын.

Жаңалықтар
0