Қоғам

52 өзбек өртеніп кеткен автобустың иесі қашып жүр: кім жауап береді?

© Sputnik / Максим МасловАстана қаласының прокуратурасы
Астана қаласының прокуратурасы - Sputnik Қазақстан
Жазылу
Бас прокуратураның мәліметінше, 52 Өзбекстан азаматының автобуста өртеніп кетуіне кінәлі делінген күдіктілер айыбын мойындамай отыр

АСТАНА, 11 сәуір – Sputnik. Өзбекстанның 52 азаматының қаза болуына қатысты қылмыстық іс аяқталып қалды, дегенмен автобус иесі іздеуде жүр, деп хабарлады Қазақстан бас прокуратурасының қоғамдық мүдделерін қорғау қызметінің бастығы Азамат Дүйсембеков.

Ақтөбе облысында автобус өртенді - Sputnik Қазақстан
Оқиға
Өзбекстан билігі Ақтөбедегі трагедияға не себеп болғанын айтты

"Іс аяқталып қалды, қазір күдіктілер мен олардың қорғаушылары танысып жатыр. Олар өз кінәсін мойындамай отыр. Алайда көлік құралдарын пайдалану ережесі бұзылып, оның салдары екі және одан да көп адамдардың өліміне әкеліп соқтырды деп есептелінуде", — деп хабарлады Дүйсембеков.   

Оның айтуынша, автобус қожайынына қатысты 348-бап (техникалық ақауы бар автобусты пайдалану) бойынша тергеу жүргізіліп жатыр. 

"Алайда қазір бұл автобустың иесі Мехтиев іздеуде жүр, тергеу шарасына қатысты мәселе шешіледі, жауапкершілікке кім тартылатыны, қалай тартылатыны анықталады", — деп толықтырды қорғау қызметінің басшысы.  

Естеріңізге салайық, 18 қаңтарда Ақтөбе облысының Ырғыз ауданында Самара — Шымкент тасжолында автобус өртеніп, 52 адам қаза болды, барлығы Өзбекстан азаматы. 


Жаңалықтар
0